Sobre o equipo inquedanzas

Mari é terapeuta ocupacional e directora de Inquedanzas. No comezo dos seus estudos descubriu a importancia de formarse na teoría de Integración Sensorial, debido a implicación que ten este desorde en nenas e nenos con dificultades do desenvolvemento. Adora os animais e a natureza por iso se especializou na intervención asistida con animais, e adícase no seu tempo libre á pintar experimentando co óleo, a acuarela… Desfruta conquistando sorrisos ás crianzas e imaxina un futuro no que a inclusión, en todos os ámbitos da sociedade, xa non sexa unha utopía.

Lupe, pedagoga, cualidades coma a constancia e a paciencia destacan no seu quefacer diario. As súas intervencións teñen coma obxectivo potenciar as capacidades de cada neno e nena a través dunha pedagoxía respectúosa e centrada nas necesidades persoais e educativas de cada crianza.
A súa labor de apoio pedagóxico as crianzas, estendese as familias, e ao profesorado, e empápase da filosofía “Ubuntu, que é: Eu son porque nos somos”. “Implica ter en conta ao outro. É unha forma de sentir en común, de traballar en común e de por a disposición, de todos ou de moitos, os logros e éxitos propios e dos demais”.

Nati é logopeda neonatal e asesora de lactancia, como profesional conta con moitas cualidades, pero debemos destacar a súa gran capacidade de escoita e empatía. Especializada na intervención con bebés e crianzas, Nati conta con unha vagaxe de experiencia e formación importante, axúdanos con todo o seu cariño e profesionalidade a potenciar a comunicación e a linguaxe, así como no asesoramento e intervención cos bebés e as mamás sobre lactación.

Fer, o psicólogo, achega a empatía e comprensión adaptándose á situación persoal e única de cada persoa. Estivo como coordinador de programas de intervención na Asociación de protección á infancia “Generatia Tanara” en Timisoara, Romania.” A súa traxectoria profesional está centrada no traballo coas crianzas porque sabe que os primeiros anos de vida son fundamentais para o seu desenvolvemento futuro, proporcionándolles as ferramentas necesarias para afrontar os conflitos que poidan xurdir ó longo das súas vidas

Ana é logopeda e educadora infantil, destaca o empeño por facer de cada sesión unha aventura para ás crianzas, e aplicar e integrar os sistemas alternativos e aumentativos de comunicación no xogo, xa que non hai mellor forma de aprender que xogando. Preocúpase por manterse en continua formación e polo benestar das crianzas e as súas familias, buscando a motivación de cada crianza nas súas sesións. Encántalle a música e entre as súas aficións está tocar o saxofón.

Lorena, a traballadora social, sabe que todas as causas poden ser gañadas só hai que defendelas e insistir tecendo redes. A súa práctica profesional xira ao redor das historias de vida, especialmente das mulleres, e como a interacción có medio atravesa as súas experiencias. Sempre coa xenealoxía ao lombo, achega da súa avoa Saladina a grandeza das gargalladas e o terapéutico do riso, da súa nai a valentía, a resiliencia e das palabras de ambas, o feminismo e a necesidade de aplicalo en todos os ámbitos.